Մաշկավեներաբանների Հայկական Ասոցիացիա
Մաշկավեներաբանների հայկական ասոցիացիան» նեղ մասնագիտական հասարակական կառույց է, որի գործունեության հիմնական նպատակն է մաշկավեներաբանական հանրության համահավասար շարունակական մասնագիտական զարգացումը՝ կրթական գործընթացներում ներառելով թե մայրաքաղաքի, թե մարզերի մաշկավեներաբաններին։
«Մաշկավեներաբանների հայկական ասոցիացիան» նաև զբաղվում է ոլորտային կլինիկական ուղեցույցների մշակմամբ և պատրաստմամբ։
Կազմակերպությանը անդամակցում են շուրջ 200 մաշկաբան։
ՄՎՀԱ նախագահն է Կարեն Վարդանյանը։
Ասոցիացիայի նախագահի ուղերձ
Մաշկավեներաբանների հայկական ասոցիացիան», որպես նեղ մասնագիտական կառույց, արդեն մեկ տասնամյակ ծառայում է մաշկավեներաբանական համայնքի զարգացմանը։ Մեր նպատակն է ապահովել շարունակական մասնագիտական կրթությունը, զարգացնել միջմասնագիտական համագործակցության մշակույթը, ձևավորել գիտության ու միջազգային փորձի վրա հիմնված առողջապահություն՝ ինչն անխոս կծառայի բժշկական օգնության և սպասարկման որակի բարելավման։
Կարեն Արայիկի Վարդանյան
Առաքելություն
Ապահովել հայկական մաշկավեներաբանության զարգացումը՝ համահունչ միջազգային բժշկական չափանիշներին և նորագույն մոտեցումներին, ստեղծելով միջավայր, որտեղ մաշկավեներաբանները կունենան մշտական մասնագիտական աճի և կատարելագործման հնարավորություններ: Ասոցիացիան իրականացնում է հանրային իրազեկման ծրագրեր՝ նպաստելով բնակչության գիտելիքների բարձրացմանը և ընդհանուր առողջության բարելավմանը: