Մեդլայն կլինիկը հանդիսանում է Հայաստանի առաջատար բազմապրոֆիլ բժշկական կենտրոններից մեկը, որը տրամադրում է համապարփակ հիվանդանոցային և ամբուլատոր ծառայություններ։ Կլինիկայում գործում են պոլիկլինիկական, արտահիվանդանոցային ծառայություններ, ինչպես նաև իրականացվում են տարբեր բարդության վիրահատական միջամտություններ։
Սուրբ Գրիգոր Լուսավորիչ բժշկական կենտրոնը Հայաստանի առողջապահական համակարգի առաջատարներից է՝ իր ծառայություններով, մասնագիտական ներուժով, արդի սարքավորումներով, նորարարական տեխնոլոգիաներով և հիմնանորոգված ենթակակառուցվածքներով։ ՀՀ առողջապահության նախարարության ենթակայությամբ գործող կենտրոնը հիմնադրվել է 1977 թ.՝ միավորելով բժշկական ծառայությունների ամբողջական շղթան՝ կանխարգելումից մինչև վերականգնողական բուժում։ ԲԿ-ի կազմում ներառված են ավելի քան 20 մասնագիտացված բաժանմունքներ։ Բժշկական կենտրոնն ունի. Պոլիկլինիկա, որը սպասարկում է Երևանի տասնյակ հազարավոր բնակիչների, 3-րդ մակարդակի ծննդատուն և նորածնային վերակենդանացման բաժանմունք, Պետական բժշկական քոլեջ, որը միջին բուժաշխատողներ է պատրաստում ամբողջ հանրապետության համար։
ՀՀ ԱՆ Վ.Ա. Ֆանարջյանի ուռուցքաբանության ազգային կենտրոնը Հայաստանի միակ բազմապրոֆիլ մասնագիտացված կենտրոնն է, որտեղ իրականացվում է տարաբնույթ նորագոյացությունների ախտորոշում և բուժում։ Հիմնադրվել է 1946 թվականին որպես Ռենտգենաբանության և ուռուցքաբանության գիտահետազոտական ինստիտուտ, իսկ արդեն 1985 թվականին վերանվանվել Ֆանարջյանի անվան Ուռուցքաբանության գիտական կենտրոնի։
Ավանգարդ բժշկական կենտրոնը պլաստիկ, էսթետիկ և վերականգնողական վիրաբուժության մասնագիտացված բուժհաստատություն է։ Կենտրոնում իրականացվում են էսթետիկ և վերականգնողական վիրաբուժական միջամտություններ՝ ներառյալ ռինոպլաստիկա, կրծքագեղձի և դեմքի վիրաբուժություն, մարմնի կոնտուրավորում, ինչպես նաև քաշի կորստից հետո իրականացվող վերականգնողական վիրահատություններ։ Բացի այդ, կենտրոնը մատուցում է ծառայություններ ընդհանուր և անոթային վիրաբուժության, ինչպես նաև գինեկոլոգիայի ոլորտներում։ Կիրառվում են ժամանակակից մեթոդներ և անվտանգ բուժման մոտեցումներ։
Ինֆեկցիոն հիվանդությունների ազգային կենտրոնը, մեկտեղելով երկու նախկին կառույցների («Նորք» ինֆեկցիոն կլինիկական հիվանդանոց և ՁԻԱՀ-ի կանխարգելման հանրապետական կենտրոն) բազմամյա փորձն ու գիտելիքները՝ հանրությանն առավել համապարփակ և արդյունավետ բուժօգնություն ցուցաբերելու նպատակ ունի: Կենտրոնի ստացիոնար կլինիկան գործում է շուրջօրյա ռեժիմով՝ շարունակելով մատուցել իր ծառայություններն ամբողջապես և ողջ ծավալով՝ ապահովելով մեր հայրենակիցների լիարժեք բուժսպասարկումն ու բուժօգնությունը: Մեր բուժանձնակազմի ներկայացուցիչները տարբեր վերապատրաստումների, միջազգային փորձի փոխանակման շնորհիվ հարստացնում են իրենց գիտելիքները՝ մեր քաղաքացիների բուժսպասարկումն առավել արդյունավետ իրականացնելու համար:
Երևան բժշկական կենտրոնի գործունեությունը ներառում է բժշկական ծառայությունների լայն սպեկտր՝ սկսած նեղ մասնագիտական խորհրդատվություններից մինչև վիրահատություններ և հետվիրահատական խնամք։ Հաստատությունն ապահովված է տեխնիկական և մասնագիտական ռեսուրսներով՝ ամբուլատոր և ստացիոնար ծառայություններ մատուցելու համար։
Դավինչի կլինիկը ներդաշնակորեն համատեղում է էսթետիկ բժշկության արվեստը և դասական բժշկության հիմնարար ուղղությունները։ Սկիզբ դնելով պլաստիկ վիրաբուժության ոլորտում՝ մենք ընդլայնել ենք մեր փորձառությունը՝ ստեղծելով առողջության հիմնարար ախտորոշման և բուժման ամբողջական համակարգ։ Մեր բազմապրոֆիլ թիմը մշակում է համալիր, անհատականացված լուծումներ, որտեղ գեղեցկությունը և առողջությունը անբաժանելի են։
ՀՀ ԱՆ Այրվածքաբանության Ազգային Կենտրոնը մասնագիտացված բուժհաստատությունն է այրվածքների, ցրտահարության և ճառագայթային վնասվածքների բուժման ոլորտում։ Կենտրոնը մատուցում է համապարփակ ախտորոշիչ, բուժական և վերականգնողական ծառայություններ՝ կիրառելով ժամանակակից մեթոդներ և միկրովիրաբուժության հնարավորությունները։ Կենտրոնում իրականացվում են ինչպես կոնսերվատիվ, այնպես էլ վիրաբուժական և միկրովիրաբուժական միջամտություններ։
ՀՀ ԱՆ Մաշկաբանության Ազգային Կենտրոնը Հայաստանի առաջատար մասնագիտացված բուժհաստատությունն է։ Կենտրոնը մատուցում է համապարփակ ախտորոշիչ, բուժական և կանխարգելիչ ծառայություններ՝ ընդգրկելով ինչպես տարածված, այնպես էլ հազվադեպ հանդիպող մաշկային հիվանդությունների և սեռական ճանապարհով փոխանցվող վարակների վարում։ Այստեղ կիրառվում են ժամանակակից մեթոդներ և ճշգրիտ ախտորոշիչ գործիքներ, ինչպիսին է դերմատոսկոպիա, տրիխոսկոպիա և լաբորատոր հետազոտություններ։
Ռոյալ կլինիկ-ը բազմապրոֆիլ բժշկական կենտրոն է, որի գործունեությունը կենտրոնացած է երեք հիմնական ուղղությամբ՝ նեղ մասնագիտական խորհրդատվություն և բուժում, լաբորատոր և ախտորոշիչ գործիքային հետազոտություններ, ֆիզիոթերապևտիկ բժշկական ծառայություններ։ Հագեցած լինելով նորագույն սարքավորումներով՝ կենտրոնը տրամադրում է համալիր հետազոտություններ, ճշգրիտ ախտորոշում և արդյունավետ բուժում մեկ վայրում։