Ախտորոշիչ կենտրոններ

Էմեռտէ քլինիք

EMERTÉ քլինիքը ժամանակակից ախտորոշիչ կենտրոն է: Այն հագեցած է Signa Pioneer ընկերության վերջին սերնդի 3 ՏԵՍԼԱ հզորությամբ մագնիս-ռեզոնանսային տոմոգրաֆով, որն ապահովում է հետազոտություններ կատարելու լայն հնարավորություններ, պատկերի գերազանց որակ, հուսալիություն և էրգոնոմիկա: Այն հնարավորություն է տալիս իրականացնել հետազոտություններ տարբեր կլինիկական ոլորտներում, ներառյալ` նյարդաբանությունը և նյարդավիրաբուժությունը, ուռուցքաբանությունը, ուրոլոգիան և գինեկոլոգիան, անոթաբանությունը, աբդոմինալ և օրթոպեդիկ հետազոտությունները, ինչպես նաև ամբողջ մարմնի հետազոտությունը:

Տեսնել ավելին

ՀՀ ԱՆ Ռադիոիզոտոպների արտադրության կենտրոն ՓԲԸ

ՀՀ ԱՆ Ռադիոիզոտոպների արտադրության կենտրոն ՓԲԸ-ն, որն առաջինն էր Հայաստանում, որտեղ Ցիկլոտրոն C18 արագացուցչի միջոցով իրականացվեց F18 ռադիոակտիվ իզոտոպի արտադրություն, շարունակում է մնալ հայաստանյան առողջապահական համակարգում մեծ նշանակություն ունեցող ախտորոշիչ կենտրոն: Անմիջապես կենտրոնում իզոտոպի ստացման գործառույթը կարևոր հանգամանք է` հաշվի առնելով F18 ռադիոակտիվ իզոտոպի կիսատրոհման կարճ պարբերությունը: Իրականացվող PET-CT հետազոտությունները հնարավորություն են տալիս վաղ ախտորոշել նորագոյացությունը, գնահատել ուռուցքային հիվանդության տարածվածությունը, գնահատել քիմիաթերապիայի և ճառագայթային թերապիայի արդյունավետությունը տվյալ ուռուցքի պարագայում և օգնել բուժող բժշկին՝ բուժման հետագա մարտավարության ընտրության հարցում, տարբերակել բարորակ և չարորակ նորագոյացությունները և այլն:

Տեսնել ավելին